Shaakh par aaj bhi jo panchi bethte hai.
Vo tu aur main hi hai.
Udne ko tyaar; pankh failane ko tyaar.
Bas.
Ye bas ke baad vaali jo sachai ho sakti hai us se agyaat hone ke kaaran ruk jaate hai.
Kahaani adhuri reh jaati hai. Baat khatam ho jaati hai.
Ye andhera jo na tune dekha hai na maine.
Bas ye andhera tu and main hi hai.
Savere ke kaagaz par jo kaali syaahi fail rahi hai
Vo tu aur main hi hai.
Savera bhi tu aur main hi hai.
Har faisla tu aur main hi hai.
