Hosh me aane do

Hosh me aane do samjha dunga

Insaan ujaad veeraniyan

Ankahi ansuni kahaniyan

Jab aayi aakhir milne

Soch ke lagi khilne

Kis tarah izhaar karegi

Samay lekar thi nikli

Jaise ho fuul par titli

Chodd ke aayi thi bandhan saare

Sanket the tootte taare

Jab pahochi manzil par

Toh insaan nahi mazar tha

Par phir bhi intezaar tha

Khush tha murda par

Has ke bola,”jaaneman

Hosh me aane do samjha dunga“

Par kadam vaapas chal diye

Aakhir junoon hota hi hai pal bhar ke liye

Ye pyaar badi Kambhakht cheez hai

Lagti asaan hai, par saali badi ajeeb hai

Pardo par dikhti hai, kitaabo me bikti hai

Junoon ke paar lage tabhi tikti hai

Fuul laayi thi saath, par jab dekhi mazar

Dene bhul gayi.

Rakh kar chali gayi.

Laash khadi hui, fuul uthae.

Kaha,”Aaj hosh me aaya hun. Ab samjha dunga”

Par vo kaha samjhti!

Thi hi titli, ek fuul par kaha tikti!

Aur vo tha ‘fuul’, haath me liye fuul.

Awaara.

Chalne ko taiyaar.

Jaise picturo me dikhate hai, vahi pyaar.

Par chal nahi paya.

Kuch samay ke liye bhul gaya tha, insaan nahi mazar tha

Aur ab, haath me fuul liye, bas intezaar tha.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s