Hazaron khawahishon ka sach
Khilkhilati, muskurati meri husna
Sardiyon ki dhoop, baarishon ki chai
Kabhi khushi me ro de, kabhi gham me muskuraye
Kabhi samay par nahi, par hamesha aaye.
Meri husna.
Khaane ke baad ki saunf
Jeevan ka sukoon
Pehle pyaar ka junoon.
Meri husna.
Roshni se bhari aankhein
Kabhi na khatam hone vaali baatein
Hasti hai toh din ban jaye
Roe toh duniya tabha ho jaye
Tabahi ke baad vaali subah.
Meri husna.
Raat ke sitare feeke hai
Bin meethe mithaas.
Meri husna.
Chalte har cheej se takrana
Par ghar hamesha laut ke aana
Ghar ka sukoon
Maikhaane ka junoon.
Meri husna.
Kaash ke baad ki sachchai
Shyam talkies ke samose
Bachpan ki angdai
Meri husna.
Himanshu Chakravarty Sharma / मंच 