अच्छे दिन

Jazbaat pirona maut ko bulava dene jaisa hai

Sunne vaale kam aur mauka-prast hamesha hai

Man ki kehna gunah

Sehna kanoon

Gehna chuppi

Tera tera

aur mera bhi tera

Laal hi khoon aur laal hi sehra

Kabr aur shamshaan me insaan kam

Insaniyat zyaada jalai aur dafn ki jaati hai

Naam me insaan ki pehchaan kam aur jaat zyaada dhundi jaati hai

Marne vaale ke naam pe khud ka naam badhaya jaata hai

Insaan ka rutba dusre ko gira ke chadaaya jaata hai

Ladki ki pehchaan uske kapade se hoti hai

Shaasak araam se sote hai aur sainik ki maa ghar roti hai

jhuk kar chalna kamjori

pura desh jhopdi

kuch ghar mahal

mahelon ko chodd sab me mand-di

mehsoos karne par paabandi

Dhundoge toh har disha me musibate bhinn hai

par daadi vaala tv pe kehta hai achche din hai