Sabr ;

Sabr me jazbaat bahe

Kuch mere aur kuch an kahe

Kuch dil me rahe

Kuch aansu ban bahe.

Ankahi talaash hai

Ek khwaab hai

Rah me jalti laash hai

Nafrat me ghulti aas hai

Ek ghut ti awaaz hai

Jab kaha hi nahi to raha bhi sahi

Aur jo kaha hi nahi vo raha kahi kabhi?

Raahi chalta, thand me thithurta

Kabhi nashe me jhoomta

Kabhi aasman ko chuumta

Raahi ki manzil tey hai

Raahi ko ab na bheh hai

Jo mil gaya vo rakh liya

Jo kho gaya vo bhul gaya

Aasman ke paar shayad jo jahan hai

Ab vohi uska vartmaan hai

Sab kuch tey hai

Sangeet ki ley hai

Gungunata chal

Jeeven ka geet gaata chal

Khud se lad khada

Khud ko uthata chal.

Jo dost bhule bhatke hai vaapas aa hi jaenge

Ye panchi jo udd rahe hai

Gaon vaapas aaenge.

Sabr ;