Tapas: kab aankh kholega tu?
Maun: kab bolega tu?
Sukoon thikaana nahi, manzil hai
Khoti milti ranjish hai
Ab ek durse ko aankh bhar dekh le hum? Thoda theher le, ro le?
Araam ki chaadar odh ke so le?
Jo keh nahi paye the keh le?
Ek dusre ki panah me reh le?
Gun-guna le vo geet jo duniya sunne ko tyaar nahi hai?
Jinse tajdaar e haram ka taj girta hai?
Dekho arsa ho gaya hai tumhe dekhe
Kya ab bhi likhti ho tum?
Kya sardi ka ab bhi intezaar karti ho?
Chai me ab bhi tumhare biscuit ka tukda duba kar khane ki aadat nahi gayi?
Kya ab bhi gaati ho tum?
Ya tum badal gayi ho?
Mausamo me dhalne lagi ho?
Jo pehle nahi karti thi karne lagi ho?
Kabhi fursat me batana.
Khair.
Ye raat khatam hone vali hai
Aur iske saath me bhi
Tum bhi
Par bach jaega: tapas aur maun.
Himanshu Chakravarty Sharma / मंच 